மூன்றெழுத்து -1

உடம்பு நோகாமல் விளையாடுகிற எல்லா விளையாட்டும் பிடிக்கும், அதிலும் வார்த்தை/சீட்டு விளையாட்டு எல்லாமும் ரொம்ப பிடிக்கும். ஆனால் இந்த விளையாட்டு, எனக்கு எல்லாவற்றையும் விட பிடித்த விளையாட்டு.

ஆங்கிலத்தில் - 4 letters/cow bull- என்ற பெயரில் எனக்கு பள்ளி நாட்களில் அறிமுகம். அதில் இருந்து, குறைந்தது 2000 முறையாவது விளையாடி இருப்பேன். மிகவும் எளிமையான , ஆனால் interesting விளையாட்டு.Mastermind விளையாட்டின் வார்த்தை வடிவம் - அவ்வளவே.

விளையாட ஆள் கிடைக்காதலால், இங்கு சில சமயம் விளையாடுவதுண்டு -> http://eastoftheweb.com/games/CodeWord1.html . ஆனாலும், எனக்கு- 4 - எழுத்து வார்த்தைகளில் விளையாடுவதே பிடித்திருக்கிறது. எங்கேனும் வலையிலோ/ i-Phone app- பிலோ, 4-எழுத்து விளையாட்டு இருந்தால் சொல்லுங்கள்.

இதை தமிழில் விளையாட முடியுமா? சில தத்து-பித்து விதிமுறைகளுடன், ஆரம்பிக்கிறேன். நல்லவங்க நாலு பேரு வந்து தப்பெல்லாம் சரி பண்ணிடுவாங்கன்னு நம்புறேன்.

1. நான் நினைத்திருக்கும் வார்த்தையை(கேள்வி வார்த்தை) நீங்கள் கண்டுப்பிடிக்க வேண்டும்.
2. "அ - ஔ, ஃ" - ஒரு குடும்பம்.
3. "க- கௌ, க்" - ஒரு குடும்பம் , இப்படியே 23(18+ ஜ+ ஹ+ஸ+ஷ + க்ஷ) உயிர்மெய்/மெய் எழுத்துகளும் ஒவ்வொரு குடும்பம்.
4. குடும்பத்தில எந்த எழுத்தாவது(சரியான எழுத்து உட்பட) இடம்மாறி வந்தால் - அது - பூ.
5. குடும்பத்தில வேறு எந்த எழுத்தாவது சரியான இடத்தல் வந்தால் - அது - காய்
6. சரியான எழுத்து சரியான இடத்தில் வந்தால் - அது - பழம்.
7. பதில் (பூ/காய்/பழம்), வரிசைப்படி இருத்தல் அவசியம் இல்லை. உதாரணம்:- 1 பூ,1 பழம் என்று சொன்னால், முதலில் பூ, பின்பு பழம் என்று அர்த்தம் இல்லை.
8. கேள்வி வார்த்தையில், "ஜ" தவிர்த்து ஏனைய வடமொழி எழுத்துகள் இடம்பெறாது.
9. கேள்வி வார்த்தையிலோ பதில் வார்த்தையிலோ, எழுத்தோ/குடும்ப எழுத்தோ , மீண்டும் வரலாம். உதாரணம்:- தத்தை, கொக்கு, மமதை. அப்படி வரும்போது, சரியான இடத்தில் வரும் எழுத்துக்கு முதல் மரியாதை.
உ.ம்.
கேள்வி வார்த்தை - காதல்
முகம் - 1 பூ
காரிகை - 1 பழம்
கொக்கா - 1 காய்
கேள்வி வார்த்தை - தாத்தா
தேசம் - 1 காய்
தத்தை - 2 காய், 1 பழம்
தொத்தா - 2 பழம், 1 காய்
10. பூவும் இல்லை, காயும் இல்லை, பழமும் இல்லை என்றால் .

நான் நினைத்திருக்கும் கேள்வி வார்த்தை - குதிரை என்று எடுத்துக்கொள்வோம்.
பதில் வார்த்தைகள்
1. கழுதை - என்றால் - 1 காய், 1 பூ
2. கத்தி - என்றால் - 2 காய் (in case of repetition(s), the correct-position one(s) will be picked first, just like Mastermind)
3. மதில் - என்றால் - 1 பழம்
4. மதுரை - என்றால் - 1 காய், 1 பழம்
5. திருகு - என்றால் - 3 பூ

Since currently the game is not interactive, I will give the trial words and the hints by myself. Please find the fitting word. I have checked that only one word fits the clues. But then my vocabulary is so limited, so any other word(s) fitting the scheme is also correct.

Well, if 5 people tell me it is boring, I'll scrap this post and will not attempt Tamil - 3 letters again!! Here you go ...

மூன்றெழுத்து -1

1.	மகிமை
2.	காதல்
3.	கனிவு

பயணக்குறிப்பு:
முதலில் பழம், அடுத்து காய், அடுத்து பூ என்று ஆராய்வது நன்று. இருப்பினும், எங்கேனும் "ஒன்றுமில்லை" என்று வந்தால், அதற்கே முதலிடம்.
1. காதல் - ஒன்றுமில்லை - எனவே க/த/ல இல்லை
2. மகிமை - 1 பழம், எனவே ம-- அல்லது -கி- அல்லது --மை
3. கனிவு - 2 காய்
ஆனால் 1ன் படி- க இல்லை.
எனவே , -ன"வ"
(ன" - ன குடும்பம்
வ" - வ குடும்பம்)
2+3=> 2-வது மற்றும் 3-வது எழுத்துகள் கிடைத்து விட்டதால் கி/மை இல்லை.
எனவே, மன"வ"
ஆனால், னி இல்லை, வு இல்லை. என்னத் தோன்றுகிறது?
காதல்- மகிமை-கனிவு - இதெல்லாம் பார்த்து என்னத் தோன்றுகிறது?
டிஸ்கி - விளையாட்டில் வார்த்தைகளின் பொருளுக்கும், கேள்வி வார்த்தைக்கும் எந்தத் தொடர்பும் இருக்காது, இங்கு இது தற்செயலாய் நடந்த ஒரு மகிமை மட்டுமே.